عکس | دانلود | کلیپ | فیلم | آهنگ

جاوان قالماغین یوللاری

چوخ یئمه‌یین

قبول ائدیلمیش گونده‌لیك 2500 كالوری عوضینه 1500 كالوری ایله كئچینمه‌یه جالیشین. بونونلا سیز هوجئیره‌لرینیزه دوشن یوكو 50 فایزه قدر آزالتمیش و اونلارین آكتیولیگینی تعمین ائتمیش اولارسینیز. چونكی، نه قدر یوكله‌نیرسه اونلارین یئنیلنمه‌سی بیر او قدر تئزلشیر (هوجئیره‌لر تئزلشدیكجه بئله دئمك اولارسا اونلارین اورقانیزمده تزلنمه‌سی لیمیتی واختیندان اول بیتیر) بونونلادا اورقانیزمین خسته‌لیكلره و میكروبلارا قارشی گوجو آزالیر.

قیدا راسیونونوز یاشینیز اویگون اولمالیدیر

مثلا یاشی 30-دان یوخاری اولان قادینلار قونده‌لیك قیدالارینا آز میقداردا قارا جییر و قوز لپه‌سی داخیل ائتمكله قیریشلارین یارانماسینی 10 ایله‌دك لنگیده بیلرلر. 40 یاشیندان یوخاری قادینلار ایسه داها جوخ تركیبینده بئتاكاروتین (یئركؤكو، یومورتا ساریسی و سایر ساری رنگلی قیدالارین تركیبینده اولان نارینجی-ساری رنگلی پیقمئنت) اولان قیدالار قبول ائتمه‌لیدیر. بو یاشدا اولان كیشیلر ایسه تركیبینده سئلئن مادده‌سی اولان پئندیر و قارا جییر كیمی قیدالار قبول ائتمه‌لیدیرلر. خاطیرلاداق كی، سئلئن سترئسسین قارشیسینی آلان ان ائففئكتیو مادده حساب اولونور. 50 یاشینی اؤتموش اینسانلارین قیدا راسیونونون اساسینی ایسه ماقنی ایله زنگین عرضاقلار توتمالیدیر. عومرونو یاری ائتمیش اینسانلارین همچی‌نین بالیق و دیگر دنیز محصوللاریندان ایستیفاده ائتمه‌سی ده واجیبدیر. جونكی بو محصوللار اورك-دامار خسته‌لیكلری‌نین قارشیسینی آلیر و قانین دؤورئتمه‌سینی انگلله‌ین سببلری آرادان قالدیریر.

ایش اینسانین جؤوهریدیر

آتالارین یوز ایللر اول دئدیكلری بو مثل گونوموزده علمی تجروبه ایله ثبوتا یئتیریلیب. بئله كی، تدقیقاتلار نتیجه‌سینده معلوم اولوب كی، آكتیو حیات طرزی سورن اینسانلاردا قوجالما و آرتیق چكی پروبلئمینه دیگرلرینه نیسبتن 80 فایز آز راست گلینیر. یئری گلمیشكن قئید ائدك كی، اورتا یاشلاریندا فیزیكی ایشلرله مشغول اولان اینسانلار یاشلاری اؤتدوكده بئله فورمالارینی قوروماق اوچون بعضی “آغیر” ایشلرله مشغول اولمالیدیرلار. مثلا یئر بئللئمك، اودون قیرماق و س. شهر یئرلرینده یاشایانلار ایسه بو ایشلری پییادا گزینتیلرله ده عوض ائده بیلرلر. بیر ماراقلی مقامی دا دقتینیزه چاتدیرماق ایستردیك: تدقیقاتلار نتیجه‌سینده موعیین ائدیلیب كی، دیریژورلار، فیلوسافلار، رسساملار و روحانیلرده قوجالما پروسئسی داها لنگ گئدیر. بو ایسه همین پئشه‌لرین هله ده سیرلی قالان مقاملاریدیر.

اؤز تایینی تاپ

قوجالمانین قارشیسینی آلان ان ائففئكتیو واسطه‌لبدن بیری ده قریبه ده اولسا سئوگی و نوازیشدیر. عالیملر موعیین ائدیبلر كی، سئون اینسانلارین اورقانیزمی ائندوفین مادده‌سی ایفراز ائدیر كی، بو مادده‌نی ده قئیری رسمی اولاراق خوشبختلیك هورمونو آدلاندیریرلار. ائندوفین ایممون سیستمینی گوجلندیریر و اینسان سیماسینا قئیری-آدی خوشبختلیك جیزگیلری قاتیر. اودور كی، قوجالماق ایسته‌مه‌ینلر اؤز یاخینلاریندان سئوگی و نوازیشلرینی اكسیك ائتمه‌مه‌لی، گونده هئچ اولماسا بیر نئچه دفعه‌ دیللرینه “سنی سئویرم” كلمه‌سینی گتیرمه‌لیدیرلر.

عقیده‌نیزده مؤحكم اولون.

حیاتدا شعورلو شكیلده یاشایانلار عكس قوتبده دایانانلارا نیسبتن داها آز دئپرئسسییا و روح دوشگونلویو ایله اوزلشیرلر. چونكی اونلار اؤز یوللارینی اؤزلری سئچیرلر و هر هانسی بیر وئرركن اونون بوتون منفی و موسبت طرفلرینی دوشونورلر. ائله بو سببدن ده حتی ان پیس وضعیته دوشدوكده بئله اونا اولجه‌دن حاضرلیقلی اولورلار.

اؤز یولو و عقیده‌سی اولماییب حیاتین آخاری ایله گئدنلرده ایسه قوجالما و دئپرئسسییا حاللاری داها تئز باش وئریر. ستاتیستیكا دا گؤستریر كی، اینتیهار حاللاری‌نین اكثر حیصه‌سی محض بو تیپ اینسانلارین پایینا دوشور.

حركت حیاتدیر

تدقیقاتلار نتیجه‌سینده ثبوتا یئتیریلیب كی، گونده‌لیك اولاراق 8-10 دقیقه ایدمانلا مشغول اولان اینسانلاردا قوجالما داها گئج باش وئریر. چونكی موتمادی حركت ائتمكله 25-30 یاش آراسیندا اورقانیزمده كسیلمه‌لی اولان بوی هورمونونون ایفرازی مدتینی خئیلی اوزاتماق مومكوندور. بو زامان بویونوز آرتماسا دا اینكیشاف پروسئسی ان آزی 5 ایل آرتیق داوام ائده‌جك.

سرین اوتاقدا یاتین

بئین الخالق حكیملر قروپونون تاپینتیلاریندان بیری ده یاتاق اوتاغینداكی هرارتین قوجالمایا تأثیری ایله باغلی اولوب. اونلار آیدینلاشدیریبلار كی، 17-18 درجه‌ هرارت اولان اوتاقدا یاتان شخصلرده قوجالما پروسئسی داها لنگ گئدیر. عالیملر بونون سببینی مولاییم ایقلیمده اورقانیزمده مادده‌لر موبادیله‌سی‌نین داها لنگ گئتمه‌سی ایله ایضاح ائدیرلر. پروسئسین لنگ گئتمه‌سی ایسه هوجئیره‌لرین تئز قوجالماسی‌نین و تلف اولماسی‌نین قارشیسینی آلیر. سرین هاوا عاملی همچی‌نین مولاییم ایقلیملی رئگیونلاردا یاشایان اینسانلارا دا تأثیر ائدیر. بئله كی، اورتا ایقلیم قورشاغیندا یاشایان اینسانلار دیگر ایقلیم شرایطینده یاشایانلارا نیسبتن داها گئج قوجالیر و اوزونؤمورلو اولورلار.

كئفینیزدن قالمایین.

بضا حكیملر موعیین خسته‌لیكلره مئیللی اولان اینسانلارا هر هانسی بیر ایشی گؤرمیی و یا قیدانی قبول ائتمیی قاداغان ائدیرلر. قریبه ده اولسا بئین الخالق حكیملر قروپو اؤز كوللئقالاری‌نین بو تیپ تؤوسیه‌لرینی ده اینسانی قوجالدان اینسانی قوجالدان عامللر سیراسینا داخیل ائدیرلر. اونلارین فیكرینجه قاداغالارا رغمن بعضی واختلاردا اونلاردان كنارا چیخماق لازیمدیر. چونكی قاداگالار عادتا دادلی و شیرین قیدالارا عاید ائدیلیر. و بو زامان اینسان نفسی ایله حكیم مصلحتی آراسیندا سئچیم ائتمه‌لی اولور – نفسی شكدیگی یئمیی ایستسه ده حكیم قاداگاسی اونون قارشیسینی كسیر. بو قارشیدیرما ایسه اینساندا عسسب، سترئسس و پسیخولوژی گرگینلیك یارادیر. سؤزوگودن عامللر ایسه قوجالمایا آپاران اساس سببلردن حساب اولونور. اودور كی، بضا حكیملرین قویدوقلاری قاداغالارا رغمن نفسینیزین ده سؤزونه باخمالیسینیز. آنجاق بیر شرطله كی، بو عادت حالینی آلماسین.

حیسسلرینیزی گیزلتمه‌یین

اؤزونو دایم هر شئیده تقسیرلی بیلمك و حیاتین بوتون اوغورسوزلقلاریندا یالنیز اؤزونو گوناهلاندیرماق دا قوجالماغا و قورخونج خسته‌لیكلره موبتلا اولماغا سبب اولور. حكیملر بئله اینسانلارا بیر آز “بیوئج” اولماغی، هر شئیی اوركلرینه یاخین بوراخماماغی مصلحت گؤرورلر. پسیخولوقلارین فیكرینجه اینسان شادلیغینی و عصبیلیگینی بیروزه وئرمه‌لیدیر. حیسسلرینی قلبینده بوغان اینسانلار حیاتدا دایم اوغورسوزلوقلف قارشیلاشیر، سئوگیلریندن مهروم اولور و دایم ازیلیرلر. بوتون بونلار ایسه سون نتیجه‌ده اونلاردا پسیخیكا پوزغونلوغو، روح دوشكونلویو و سترئسس یارادیر.

بئینینیزی مشق ائتدیرین

عادتا ذهنی ایشله مشغول اولانلارین تئز قوجالمالاری حاقدا فیكیر سؤیله‌نیلیر. لاكین سون تدقیقاتلار بونون عكسینی ثبوت ائدیر. سن دئمه عقلی اینسانین قوجالماسینا و پئشه خسته‌لیكلرینه موبتلا اولماسینا اونون هانسی ایشله مغول اولماسی تأثیر ائتمیر. پئشه خسته‌لیكلری‌نین سببی ایسه ایشه حددن آرتیق آلوده اولدوقدا و یا امك گیگییئناسینا عمل ائتمه‌دیكده یارانیر. اودور كی، “ذهنی ایش اینسانی قوجالدیر” دئییب بئینینیزی پاسسیولشدیرمه‌یین. هم ده ذهنی ایش دئدیكده تكجه علمی ایش نظرده توتولمور. بئینی پاسسیو ساخلاماماق اوچون دوكاندان آلوئر ائدركن یئكون قییمتی حسابلاماغینیز دا كیفایت ائدیر. ذهنی مشغولیتین ان ساده یولو ایسه كروسسوورد حل ائتمكدیر. بونونلا سیز هم بوش واختینیزی ثمره‌لی كئچیرر، هم ده اؤزونوزو و بئینینیزی قوجالماقدان قوروموش اولارسینیز